Libreng sakay sa MRT-3, LRT-1 at 2 ngayong Labor Day

MANILA, Philippines — Inanunsyo ni Pangulong Ferdinand Marcos Jr. na mayroong libreng sakay sa MRT-3, LRT-1 at 2 sa buong araw.

Sinabi ng Pangulo na ito ay bilang parangal sa mga manggagawa at bilang pagdiriwang na rin ng Labor Day sa Mayo 1.

“Nais kong sabihin sa lahat ng ating mga commuter ay inutos ko na para magbigay ng ating kaunting parangal sa ating mga manggagawa dito sa ngayon nasa – kasama sa Labor Day Celebration ay maging libre ang sakay sa MRT-3, LRT-1 and 2,” pahayag pa ni Marcos

Ayon pa kay Marcos, mula ngayong Abril 30 hanggang Mayo 1 ay libre ang sakay sa MRT-3 at LRT-1 at 2.

Ang hakbang ay bilang kaunting pagkilala aniya sa sakripisyo at sa kontribusyon ng mga manggagawa hindi lamang sa ekonomiya kundi sa ating lipunan.