Incumbent, baguhang partylist naghahanda sa unang puwesto
MANILA, Philippines — Umiinit ang laban sa nalalapit na halalan para sa 2025 party-list elections sa gitna ng pag-usbong ng mga bagong grupo at pananatili ng mga matagal nang kilala, ayon sa pinakabagong pre-election preferential survey ng Tangere.
Sa 44 party-list na inaasahang makakapasok sa House of Representatives, halos kalahati ay mga bagong pangalan.
Nangunguna sa mga ito ang FPJ Panday Bayanihan (FPJPB) na nasa ika-6 na puwesto na may 3.83% ng boto habang lumalakas din ang Ang Bumbero ng Pilipinas (ABP) – ika-10 puwesto, 2.50%; United Senior Citizens Partylist – ika-12 puwesto, 2.25%; Tulfo para sa Turismo (Turismo) – ika-18 puwesto, 1.75%; Abante Bisdak – ika-19 puwesto, 1.71% at Angkasangga – ika-20 puwesto, 1.52%
Samantala, nangunguna sa buong listahan ang limang party-list na inaasahang magkakaroon ng tig-dalawang kinatawan sa Kamara. Nangunguna ang Tingog, na malakas ang suporta sa Visayas, 5.75%. Kasunod ang Ako Bicol, na may malakas na base sa Albay at Camarines Sur, 5.50%.
Kabilang din sa mga posibleng makakuha ng dalawang puwesto ang 4Ps, 5.00%; ACT-CIS, 4.83%; Duterte Youth, 4.75%; Agimat, 3.71%; Alona, 2.92%; 1Pacman, 2.83%.
Isinagawa ang survey noong Abril 22-26, 2025 gamit ang mobile-based respondent application na nilahukan ng 2,400 katao na kumakatawan sa iba’t ibang bahagi ng bansa.
- Latest
