TRABAHO Partylist, suportado dagdag-allowance sa militar
MANILA, Philippines — Suportado ng TRABAHO Partylist ang kamakailang pag-apruba sa P200 dagdag allowance para sa mga kasapi ng militar, ang kauna-unahang pagtaas sa loob ng isang dekada.
Ayon kay Atty. Mitchell-David L. Espiritu, tagapagsalita ng TRABAHO Partylist, magandang hakbang ang dagdag-allowance sa militar, ngunit ito ay nagpapatingkad din sa pangangailangang tugunan ang hindi pantay na pasahod.
Ngunit kasabay nito, iginiit ng grupo ang kahalagahan ng patas na dagdag-sahod para sa mga sibilyan, partikular ang panukalang P200 dagdag sa daily minimum wage na naaprubahan na sa ikalawang pagbasa sa Kongreso, at inaasahang makikinabang dito ang humigit-kumulang limang milyong manggagawang minimum wage earner sa buong bansa.
Nanawagan ang TRABAHO Partylist na bigyang-priyoridad ang komprehensibong reporma sa sahod na isinasaalang-alang ang kapakanan ng mga manggagawa at ang katatagan ng mga negosyo.
- Latest
