OCD Regional Offices, RDRRMCs, NDRRMOC heightened alert sa Semana Santa
MANILA, Philippines — Isinailalim na sa heightened alert status ang Office of Civil Defense (OCD) Regional Offices, Regional Disaster Risk Reduction and Management Councils (RDRRMCs) at National Disaster Risk Reduction and Management Operations Center (NDRRMOC) kaugnay ng paggunita sa Semana Santa.
Ayon kay National Disaster Risk Reduction and Management Center (NDRRMC) Executive Director and Office of Civil Defense (OCD) Administrator Undersecretary Ariel F. Nepomuceno, ito’y bilang pagtalima sa direktiba ni Pangulong Ferdinand Marcos Jr. na tiyakin ang kaligtasan ng publiko sa paggunita sa Semana Santa sa buong bansa.
Ayon kay Nepomuceno, alas-6 ng gabi nitong Martes ay nasa blue alert na ang kanilang mga tanggapan sa Cordillera Administrative Region (CAR), 1, II, III, CALABARZON, MIMAROPA, VII, VIII, IX, X, XI, XII, CARAGA at Bangsamoro Autonomous Region.
Samantalang ang National Capital Region (NCR) ay nasa blue alert na rin simula alas-5 ng hapon nitong Abril 16 hanggang alas-8 ng umaga sa Lunes, Abril 21.
“Under this alert, uniformed personnel from the Armed Forces of the Philippines (AFP), Bureau of Fire Protection (BFP), Philippine Coast Guard (PCG), and Philippine National Police (PNP), along with other concerned agencies, shall immediately deploy Detailed Duty Officers (DDOs) at the NDRRMOC during this emergency status to render 24-hour duty on a rotational basis,” ayon kay Nepomuceno.
Inihayag nito ang Region V at VI ay kasalukuyang nasa red alert status naman dahil sa banta ng bulkang Mayon at Kanlaon.
- Latest
