VP Sara in-impeach ng Kamara!
MANILA, Philippines — Sa kauna-unahang pagkakataon sa kasaysayan ng bansa ay inimpeach ng Kamara si Vice President Sara Duterte.
Ayon kay House Secretary-General Reginald Velasco, 215 kongresista ang lumagda sa 4th impeachment complaint na higit pa sa 1/3 na kailangang lagda ng 306 mambabatas para maiakyat ang reklamo sa Senado.
Nabatid na si Presidential Son at Ilocos Norte Rep. Sandro Marcos ang unang pumirma sa ikaapat na impeachment complaint laban kay VP Duterte.
“There is a motion to direct the Secretary General to immediately endorse to the Senate the impeachment complaint having been filed by more than one-third of the membership of the House or a total of members.” pahayag ni Speaker Ferdinand Romualdez sa plenaryo.
Kabilang sa ground ng impeachment ang conspiracy to assassinate President Ferdinand Marcos Jr., FL Liza at Speaker Romualdez; malversation of P612.5-M confidential funds; bribery and corruption in DepEd; extra judicial killings; betrayal of public trust at large scale corruption.
Itinalaga naman bilang miyembro ng prosekusyon sina representatives Gerville Luistro, Romeo Acop, Rodge Gutierrez, Joel Chua, Jil Bongalon, Loreto Acharon, Marcelino Libanan, Arnan Panaligan, Isabel Maria Zamora, Lorenz Defensor, at Jonathan Keith Flores.
Ang ikaapat na impeachment complaint ay hiwalay pa sa tatlong naunang reklamo laban sa Bise Presidente. Hindi na didinggin ang tatlong reklamo dahil nahigitan ito ng ikaapat na impeachment na inindorso ng 215 mambabatas.
Inihain ang 4th impeachment nitong Pebrero 5 at pinagtibay rin sa mismong huling araw ng sesyon kahapon.
Dahil 102 lang ang kailangang numero ng mga mambabatas upang ma-”fast tracks” ang proseso ng impeachment kaya hindi na ito daraan sa deliberasyon ng House Committee on Justice at ididiretso na sa Senado.
Dahil dito, hawak na ng Senado ang bola para idetermina ang pagtatanggal sa puwesto laban kay VP Sara.
- Latest
