^

Bansa

Magnitude 5.9 na lindol niyanig Davao de Oro; pinsala, aftershocks naitala

James Relativo - Philstar.com
Magnitude 5.9 na lindol niyanig Davao de Oro; pinsala, aftershocks naitala
Litrato ng pinsala matapos ang magnitude 5.9 na lindol sa Davao de Oro
Mula sa Facebook ni Maria Socorro Ando Ocay

MANILA, Philippines — Tinamaan ng malakas na magnitude 5.9 na lindol ang ilang bahagi ng Mindanao ngayong Biyernes ng madaling araw, bagay na posibleng magdulot ng pinsala at mga susunod na aftershock.

Naitala ng Phivolcs ang epicenter ng lindol 35 kilometro timogsilangan ng New Bataan, Davao de Oro bandang 2:58 a.m. ngayong araw. Sinasabing "tectonic" ang pinagmulan nito.

Una itong naiulat bilang 6.2 magnitude ang lindol ngunit ibinaba rin kalaunan ng state seismologists.

Intensity V (strong)

  • Caraga, DAVAO ORIENTAL
  • New Bataan, Maragusan, at Pantukan, DAVAO DE ORO

Intensity IV (moderately strong)

  • Nabunturan, Compostela, Monkayo, Mawab, Montevista, Laak, Mabini, at Maco, DAVAO DE ORO

Intensity III (weak)

  • CITY OF DAVAO
  • City of Tagum, DAVAO DEL NORTE

Intensity I (scarcely perceptible)

  • City of Bislig at City of Tandag, SURIGAO DEL SUR

Ayon sa Phivolcs, parehong inaasahan ang pinsala at masundan ng "aftershocks" o mas mahihinang pagyanig ang naturang lindol.

Makikita sa mga litrato at videos ng Facebook users na sina Maria Socorro Ando Ocay at Jirreed Rian Lupas Capitan kung paano nagkabasag-basag ang ilang kagamitan bunsod ng lindol. Napilitan ding mag-evacuate ng mga empleyado sa isang kumpanya.

 

 

 

Sinuspindi naman na ni Davao de Oro Gov. Dorothy Gonzaga ang face-to-face classes sa mga pampubliko at pribadong eskwelahan kaugnay ng insidente at ilang aftershocks.

"[F]ace to face classes in both public and private schools at all levels are hereby suspended pending structural integrity assessments by their respective [local government units]," ani Gonzaga kanina.

"Other government agencies within the Province of Davao de oro must ensure safety of your personnel and are also encouraged to conduct structural integrity assessment in coordination with your respective LGUs."

 

 

Epektibo ang naturang kautusan mula ngayon hanggang bawiin ng mga LGUs matapos ang mga kinakailangang pagtatasa.

Hinihingian pa ng Philstar.com ng pahayag ang National Disaster Risk Reduction and Management Council (NDRRMC) kung may naitala nang patay, sugatan, nawawala at kung magkano na ang napinsala ng lindol ngunit hindi pa tumutugon sa ngayon.

vuukle comment

DAVAO DE ORO

EARTHQUAKE

NEW BATAAN

PHIVOLCS

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with