Marcos pinarangalan ang OFWs
MANILA, Philippines — Pinarangalan ni Pangulong Ferdinand Marcos Jr. ang mga OFWs sa Migrant Workers’ Day kasabay ang pangako na palalakasin ang ugnayan sa mga host country para matiyak ang kanilang kapakanan.
Ayon kay Marcos, mahalagang matiyak ang kaligtasan ng mga Filipino na nagta-trabaho sa labas ng bansa.
Kinilala ni Marcos ang mga sakripisyo at kontribusyon ng mga Pilipinong nagtatrabaho sa ibang bansa sa kanilang mga pamilya at sa Pilipinas.
Muli ring tinawag ni Marcos na mga bagong bayani ang mga manggagawang Pinoy sa labas ng bansa.
“Mabuhay ang lahat ng manggagawang Pilipino sa ibayong dagat. Mabuhay ang mga bagong bayani ng Pilipinas,” ani Marcos.
Sa datos mula sa Philippine Statistics Authority, nasa 1.83 milyong manggagawang Pilipino sa ibang bansa mula Abril hanggang Setyembre 2021.
- Latest