Tag-ulan idineklara na ng PAGASA
MANILA, Philippines — Pormal nang inanunsiyo ng PAGASA na pumasok na sa bansa ang panahon ng tag-ulan.
Sinabi ni Dr. Esperanza Cayanan, officer-in-charge ng PAGASA, na ang nararanasang kalat kalat na thunderstorms, ang pagpasok ng Super Typhoon “Betty” at ang pag-iral ng southwest monsoon o Habagat sa nakalipas na araw ay nagdala ng pag-uulan sa western sections ng Luzon at Visayas na hudyat nang pagpasok ng rainy season sa bansa.
Anya, maaari ring magkaroon ng monsoon breaks na pwedeng magtagal ng ilang araw.
Pinapayuhan din ni Dr. Cayanan ang publiko na mag-ingat sa kalusugan mula sa mga sakit na dumadapo sa panahon ng tag-ulan tulad ng sipon, ubo at lagnat.
Karaniwang pumapasok ang panahon ng tag-ulan sa buwan ng Mayo hanggang Oktubre.
- Latest