NHA, magbibigay ng tulong sa maaapektuhan ng bagyo
MANILA, Philippines — Nakahanda ang National Housing Authority (NHA) na asistihan ang mga pamilyang maapektuhan ng bagyong Betty.
Ayon kay NHA General Manager Joeben Tai na kanya nang inatasan ang mga regional at district managers ng ahensiya na maging handa sa pananalasa ng naturang bagyo.
Anya, nagbigay din siya ng direktiba na imonitor ang lahat ng housing project sites at tiyaking alam ng mga benepisyaryo ang tungkol sa kalamidad.
Aniya, kailangang mabigyan agad ng tulong ang mga benepisyaryo na lubhang tatamaan ng bagyo.
Sinabi pa nito na may 900 relocation sites ang NHA na kayang tumugon sa mga magsisilikas dulot ng pananalasa ng bagyo.
Bukod sa relocation assistance, magkakaloob din ang NHA sa calamity victims ng Emergency Housing Assistance na makakatulong sa kanila na maitayo uli ang kanilang bahay at makapagsimula ng bagong buhay.
- Latest
