Duterte binati ni Marcos sa ika-78 kaarawan
MANILA, Philippines — Binati ni Pangulong Ferdinand Marcos Jr. si dating pangulong Rodrigo Duterte sa pagdiriwang ng kanyang ika-78 kaarawan kahapon.
“What a pleasure for me to wish happy birthday to ating predecessor, PRRD. Happy birthday to you, Mr President,” sabi ng Pangulo sa kanyang official facebook page.
Ayon pa kay Marcos, naiintindihan na niya ngayon si Duterte kung bakit minsan, noong pangulo pa siya ng Pilipinas ay napapamura ito.
“Now I know why. Pero huwag niyong inaalala lahat ng magandang sinimulan ninyo, we will continue to work on it. We will contineu to make sure that those projects that you started will be successful and I am glad that I am able to continue the good work that you started,” giit pa ng Pangulo.
Hindi naman alam ni Pangulong Marcos kung papaano makakapag-relax pa si Duterte matapos ang “lifetime of work” subalit umaasa naman siya na maghihinay-hinay na ang dating pangulo sa kanyang trabaho at magkakaroon ng maayos na selebrasyon ng kanyang kaarawan.
“And so… I don’t know kung makapag-relax ka because after a lifetime of work, I don’t know if you still know how to take it easy but if you got the chance, please have a good celebration. Happy, Happy birthday PRRD!,” pagbati pa ni Marcos.
- Latest
