'Ginamit panlandi?': OWWA nagsalita sa FB poll nila sa love life ni Arnell Ignacio
MANILA, Philippines — Inamin ng Overseas Workers Welfare Administration (OWWA) na nagkamali ito nang mai-post sa kanilang opisyal na Facebook ang pa-"survey" tungkol sa buhay pag-ibig ng tagapamuno nilang komedyante na si Arnell Ignacio kahit wala itong kinalaman sa kanilang mandato.
Matatandaang itinalaga ni Pangulong Ferdinand Marcos Jr. si Ignacio bilang Executive Director Admininistrator V ng OWWA noong Agosto 2022.
"The FB post containing the personal concerns of the OWWA Administrator was errouneously posted on the Official Facebook Page of OWWA," wika ng government office, Miyerkules.
"Appropriate action has been taken. Thank you."
Ilang netizens ang bumanat tungkol sa naturang post noong ika-21 ng Enero, lalo na't hinaing at pangangailangan ng mga overseas Filipino workers (OFWs) ang kanilang dapat inaatupag.
Burado na ngayon ang nasabing post, ngunit na-screenshot ito at ipinaskil online nang marami.
"Mga Kabayan OFWS payag ba kayo muling mag mahal ang puso ni OWWA Admin Arnell Ignacio [?] Kaya comment na type YES kung payag kayo. Type NO naman kung hindi," sabi sa paskil.
PUTANGINANG YAN pic.twitter.com/3e9wKLnPq6
— Engineers “JOIN MASS ORGS” for PH ???????? ???? (@EngrsOfMNL) February 1, 2023
"Kumambyo dahil cinall out kayo. Kung hindi cinall out, kapal mukha lang talaga haha," banggit ng abogado at LGBT rights crusader na si Jesus Falcis.
"Gusto ko ring maging public official para magpasurvey kung deserve ko ng jowa," sabi ng FB user na si ?? ??.
Sari-saring memes tuloy ang kumakalat ngayon patungkol sa nasabing paskil, lalo na't pinasasahuran ng gobyerno si Ignacio para protektahan ang interes ng OFWs at kanilang mga pamilya.
Wala pa namang pahayag si Ignacio patungkol sa insidenteng ito sa kanyang opisyal na social media account. — James Relativo
- Latest
