Magnitude 5.3 lindol sa Camarines Norte, ramdam sa Metro Manila
MANILA, Philippines — Niyanig ng 5.3 magnitude ang Tinaga Island sa Camarines Norte bandang 1:05 ng hapon, kahapon na naramdaman din sa Metro Manila.
Ayon sa Philippine Institute of Volcanology and Seismology (Phivolcs), tectonic ang origin ng lindol na may lalim na 1 kilometro.
Nakapagtala rin ng Instrumental Intensity 5 sa Mercedes, Jose Panganiban, Camarines Norte; Intensity 4 - Daet, Camarines Norte; Guinayangan, Polillo, Quezon.
Intensity 3 sa Ragay, Pili, Iriga City, Camarines Sur; Mauban, Lopez, Mulanay, Alabat, Gumaca, Quezon; Intensity 2 - Tabaco, Albay; Dingalan, Aurora; Batangas City, Batangas; Calumpit, Plaridel, Pulilan, Marilao, San Ildefonso, Bulacan; Sagnay, Camarines Sur; Carmona, Cavite; Marikina City, Pasig City, Metro Manila; Gapan City, Nueva Ecija; Pinamalayan, Oriental Mindoro; Guagua, Pampanga; Infanta, Pangasinan; Dolores, Infanta, Calauag, Quezon; Taytay, Tanay, Rizal at Intensity I sa Legazpi City, Albay; Bulakan, Santa Maria, Guiguinto, Obando, Malolos City, Pandi, Dona Remedios Trinidad, Bulacan; Tagaytay City, Ternate, Cavite; Candon, Ilocos Sur; Calamba, Los Banos, Laguna; Malabon City, Pasay, Quezon City, Muntinlupa City, San Juan City, Metro Manila; Mapanas, Northern Samar; San Antonio, Gabaldon, Cabanatuan City, Nueva Ecija; Calapan City, Oriental Mindoro; Tayabas, Lucena City, Quezon; Angono, Morong, Antipolo, Cainta, Rizal.
Ayon sa Phivolcs, wala namang ulat ng damage ang naturang lindol pero dalawang aftershocks ang nairekord, isang magnitude 2.9 dakong 2:15 ng hapon at magnitude 3.0 bandang 2:51 ng hapon.
- Latest