Bilang ng jobless Pinoy, nabawasan
MANILA, Philippines — Bumaba ang bilang ng mga Pilipino na walang trabaho.
Sa ulat ng Philippine Statistics Authority (PSA), nasa 2.24 milyong Pinoy na lamang ang walang trabaho noong Oktubre 2022 kumpara sa 2.50 milyon na naitala noong Setyembre 2022.
Ayon sa PSA, base ito sa isinagawang Labor Force Survey noong Oktubre.
Nangangahulugan ito na nasa 4.5 porsyento na lamang ng populasyon ng Pilipinas ang walang trabaho noong Oktubre kumpara sa 5 porsyento noong Setyembre.
Nabatid na ito na ang pinakamababang unemployment rate na naitala simula ang pre-pandemic noong Oktubre 2019.
Ang services sector ang nanguna bilang top employer na may 59.2% share sa labor market.
Sumunod ang sektor ng agriculture at industry na may 22.5 porsyento at 18.3 porsyento.
Samantala, tumaas naman sa 6.67 milyon ang underemployment o iyong mga naghahanap ng iba pang trabaho o dagdag na work hours o katumbas ng 14.2 porsyento.
Mas mataas ito ng 13.8 porsyento na underemployment rate sa 6.54 milyon na naitala noon.
- Latest
