Angeles, Calida nagbitiw sa puwesto
MANILA, Philippines — Kinumpirma kahapon ng Malacañang na nagbitiw sa puwesto sina Press Secretary Trixie Cruz-Angeles at Commission on Audit Chair Jose Calida.
Ayon kay Senior Deputy Executive Secretary Hubert Guevara, medical reasons ang ibinigay na dahilan ni Cruz-Angeles.
“I tendered my resignation this morning, effective end of business hours today. Due to health reasons. It was a pleasure working with you,” ani Cruz-Angeles.
Nagpasalamat din si Cruz-Angeles kay Pangulong Ferdinand Marcos Jr.
Dagdag pa ni Guevarra, nasa proseso sila ngayon ng pagtulong sa naturang tanggapan upang tugunan ang nabakanteng posisyon.
“Wala pa pong bagong Press Secretary…We’re still in the process of helping the Office address the resignation,” ani Guevara.
Samantala, sinabi ni Executive Secretary Lucas Bersamin na tinanggap ng Pangulo ang resignation ni Calida.
Ginawa ni Calida ang pagbibitiw matapos ma-bypass ng Commission on Appointments.
Ayon kay Bersamin, nanghihinayang ang Pangulo na nagbitiw si Calida.
“We accepted that with regret and we commend him for his patriotism,” pahayag ni Bersamin.
Sa ngayon aniya, wala pang napipili si Marcos na kapalit ni Calida.
Katunayan, marami pa aniya ang hindi nakaaalam na nagbitiw na si Calida.
- Latest
