Marcos: MSMEs pasisiglahin
MANILA, Philippines — Nangako si Pangulong Ferdinand “Bongbong” Marcos Jr. na susuportahan ang pagpapasigla ng Micro, Small, and Medium Enterprises (MSMEs) ng bansa, kasabay nang pagkilala sa nasabing sektor sa post-pandemic economic regeneration, paglikha ng trabaho, at pagbabawas ng kahirapan.
Sa MSMEs Summit 2022 na ginanap sa Manila Hotel, tiniyak ni Marcos na muling sisigla ang mga MSMEs na kabilang sa mga pangunahing prayoridad ng administrasyon.
Inulit ng Pangulo ang pangako ng gobyerno na makipagtulungan sa lahat ng stakeholders upang tiyakin na ang MSMEs ay protektado at binibigyan ng sapat na pagkakataon, hindi lamang para makabangon muli kundi para umunlad at sa modernong panahon.
Ikinatuwa rin niya na ang MSMEs Summit ay nakatutok sa post-pandemic recovery at ang pagsulong ng digitalization, na naaayon sa mga prayoridad ng administrasyon.
Inihayag din ni Marcos na nais niyang palakasin ng Pilipinas at Estados Unidos ang kanilang MSMEs partnerships.
Ang tagumpay din aniya ng mga MSMEs ay mahalaga sa pagpapatibay ng pundasyon ng ekonomiya.
- Latest