Marcos, pumayag mag-angkat ng 150K MT asukal
MANILA, Philippines — Pumayag si Pangulong Ferdinand Marcos Jr. sa pag-angkat ng 150,000 metric tons (MT) ng asukal.
Ayon kay Press Secretary Trixie Cruz-Angeles, naabot ang kasunduan sa pakikipagpulong ni Marcos Jr. kasama si Senate President Juan Miguel Zubiri at mga nasa industriya ng asukal sa Malacañang nitong Miyerkules.
Sinabi Cruz-Angeles na ang 150,000 MT ang panukalang dami ng asukal na aangkatin.
Mismong malalaking negosyo na gumagamit ng asukal sa kanilang produkto ang nakausap ng Pangulo.
Pero wala pa aniyang itinakdang araw o buwan kung kailan aangkatin ang 150,000 MT ng asukal.
Matatandaan na sa kanyang lingguhang vlog na na-upload noong Linggo, sinabi ni Marcos na maaaring mag-import ng asukal ang pamahalaan ng hanggang 150,000 metriko tonelada na kalahati ng naunang mungkahi ng Sugar Regulatory Administration (SRA).
Maaari rin aniya na bandang Oktubre ito gawin.
- Latest