State of public health emergency palalawigin – Pangulong Bongbong Marcos
MANILA, Philippines — Palalawigin ni Pangulong Ferdinand Marcos, Jr. ang state of public health emergency sa Pilipinas hanggang katapusan ng 2022.
Ayon kay Marcos, maraming ibinibigay ang international medical community kung nasa state of emergency ang bansa.
Inihalimbawa ni Marcos ang World Health Organization na malaki ang naitulong sa pagdadala ng bakuna laban sa COVID -19.
“Maraming mga binibigay sa international medical community kapag state of emergency. Isa na rito ang World Health Organization,” ani Marcos
Kung ititigil aniya ang pagpapatupad ng public health emergency ay matitigil din ang mga ibinibigay sa Pilipinas ng international medical community.
“Kung itigil natin ‘yung state of emergency, matitigil ‘yun. But if we can change — we are looking at amending the law in terms of procurement and all of that in the middle of an emergency. But that will take time. So malamang. i-extend natin hanggang sa katapusan ng taon,” ani Marcos.
Matatandaan na idineklara ang state of public health emergency ni dating Pangulong Rodrigo Duterte noong Marso 8, 2020 upang agad na matugunan ang banta ng COVID-19.
- Latest
