SRA official pa, nagbitiw!
MANILA, Philippines — Nagbitiw na sa kanyang posisyon ang isa sa mga opisyal ng Sugar Regulatory Administration (SRA) na umano’y pumirma sa ‘di awtorisadong pag-aangkat ng asukal.
Ikinatwiran ni SRA board Roland Beltran sa kanyang pagbibitiw ang kanyang kalusugan.
Sa kanyang sulat kay Executive Secretary Vic Rodriguez noong August 14, sinabi ni Beltran na ang kanyang pagbibitiw bilang millers’ representative sa Sugar Regulatory Board ay walang kinikilingan sa anumang imbestigasyong may kinalaman sa Sugar importation order.
Si Beltran ay isa sa lumagda sa naturang order na pumapayag na makapag-import ang Pilipinas ng 300,000 metric tons ng asukal sa ikatlong quarter ng taon.
“In any event, let me interject at the outset that my vote therein was conditional ‘subject to compliance of the provisions of laws, rules and regulations, and the internal processes of SRA. The action is thus withdrawn and negated due to non-compliance of the conditions set forth therein,” paliwanag ni Beltran.
Una rito, nagbitiw din sa posisyon si Agriculture Undersecretary Leocadio Sebastian na sinasabing lumagda rin sa naturang importation order.
Ayon sa mga samahan ng sugar farmers hindi kailangang mag-angkat ng asukal dahil kaya pa nilang punuan ang demand dahil mag-aanihan na ng tubo sa susunod na buwan.
- Latest