Halos P6 milyong jackpot sa Lotto 6/42, naiuwi ng taga-Quezony

MANILA, Philippines — Isang taga-Quezon ang nakapag-uwi ng halos P6 milyong jackpot prize ng Lotto 6/42 na binola ng Philippine Charity Sweepstakes Office (PCSO) nitong Sabado ng gabi.

Ayon sa PCSO, matagumpay na nahulaan ng lucky bettor ang winning combination na 26-12-20-24-39-41 na may katumbas na P5,940,000.

Nabili umano ng masuwerteng mananaya ang kanyang lucky ticket mula sa Candelaria, Quezon.

Anang PCSO, maaaring kubrahin ng lotto winner ang kanyang premyo sa PCSO main office sa Mandaluyong City.

Kinakailangan lamang nitong magprisinta ng winning ticket at dalawang ID cards.

Hinikayat din ng PCSO ang publiko na patuloy na tangkilikin ang kanilang mga palaro upang magkaroon ng tiyansang maging susunod na milyonaryo at makatulong pa sa kawanggawa.

Ang Lotto 6/42 ay binobola tuwing Martes, Huwebes at Sabado.