225 kaso pa ng Omicron subvariants, nadagdag

MANILA, Philippines — Nakapagtala muli kahapon ng 225 karagdagang kaso ng Omicron subvariants ang Department of Health (DOH) sa ikinasang genome sequencing.

Sa naturang bilang, nasa 190 ang bagong mga kaso ng BA.5, 34 kaso ng BA.4 at isang bagong kaso ng BA2.12.1.

Sa mga kaso ng BA.5, nasa 175 ang nakarekober na sa sakit habang pito ang kasalukuyang nasa isolation pa rin.  Bineberepika pa naman ang istatus ng walo pang pasyente.

Sa BA.4, 33 ang nakarekober na habang ­inaalam pa ang kalagayan ng isa pang pasyente.

Isang pasyente mula sa Davao region ang nagpositibo sa BA.2.12.1 variant ngunit nakarekober na rin.