2.99 milyong Pinoy, jobless noong Hunyo
MANILA, Philippines — May 2.99 milyong Pilipino ang walang trabaho nitong Hunyo, ayon sa Philippine Statistics Authority (PSA).
Ang naturang bilang ay mas mataas ng 6 percent sa 2.93 milyong jobless Pinoy noong Mayo.
Sa kabila nito, mas mababa naman ang unemployment rate ngayong Hunyo 2022 kaysa noong Hunyo 2021 na nasa 7.7 porsyento, katumbas ng 3.77 milyon.
Ang underemployment naman o mga manggagawa na naghahanap ng mas maraming trabaho o oras ng trabaho ay may 12.6 porsyento noong Hunyo, katumbas ng 5.89 milyon.
Mas mababa naman ang underemployment rate ng Hunyo kumpara sa Mayo na 14.5 porsyento o 6.67 milyon at noong Hunyo 2021 na 14.2 porsyento o may 6.41 milyon.
- Latest