Aftershocks ng ‘major quake’, magtatagal pa – Phivolcs
MANILA, Philippines — Dahil itinuring na ‘major earthquake’ ang pagyanig ng lupa noong Miyerkules, nagbabala ang Philippine Institute of Volcanology and Seismology (Phivolcs) na maaring magkaroon pa ng aftershocks sa mga susunod na araw o may posibilidad na umabot pa ng mga buwan.
Kahapon ay nakapagtala ang Phivolcs ng 808 aftershocks kaugnay ng magnitude 7 na lindol nitong Miyerkules.
Sa naturang aftershocks, 126 plotted, samantalang 24 naman ang recorded hanggang kahapon ng alas-7 ng umaga.
Ayon sa Phivolcs, ang magnitude ng naitalang mga aftershocks ay mula 1.5 hanggang 5.0 magnitude.
Sa naturang magnitude 7 na lindol, maraming istraktura, kabilang ang mga bahay, gusali at tulay, sa ilang lalawigan lalo na sa Abra na sentro ng lindol ang napinsala.
- Latest