Pagpapalit ng pangalan ng NAIA, napapanahon
MANILA, Philippines — Napapanahon na upang itama at palitan na ang pangalan ng Ninoy Aquino International Airport ( NAIA), ang pambansang paliparan ng bansa.
Ito ang inihayag kahapon ni Deputy Speaker at 3rd District Negros Oriental Rep. Arnie Teves kung saan maghahain ito ng panukalang batas sa pagbubukas ng 19th Congress upang itama ang pangalan ng NAIA na dating Manila International Airport (MIA).
“Dapat na po natin itama ang pangalan ng ating international airport. Akin po na ihahayag ang dapat na maging bagong pangalan nito sa sandaling ma-i-sumite ko na ito (House Bill),” pahayag ni Teves na muling nanalo bilang Kongresista sa kaniyang distrito.
“Kasabay po ng aking pag-sumite ay hinihiling ko rin ang suporta ng aking mga mahuhusay na kapwa mambabatas upang agarang maaprubahan at maisabatas ito,” dagdag ni Teves, isa sa maraming batas na nalagdaan ni Pangulong Rodrigo Duterte kamakailan.
Una ng isinulong ni Duterte Youth Partylist Group Rep. Ducielle Marie Cardema na maibalik muli ang NAIA sa dati nitong pangalan na MIA base sa inihain nitong House Bill 10833.
- Latest
