Omicron, mas matindi sa Delta variant
MANILA, Philippines — Itinuturing nang ‘variant of concern’ ang strain ng COVID-19 na natuklasan sa South Africa na pinangalanan ng World Health Organization (WHO) na Omicron.
Napaulat na sinabi ng Technical Advisory Group ng WHO na ang Omicron ay may malaking bilang ng mutation kaya ito ay nakakabahala.
Lumalabas din sa mga preliminary evidence na ang Omicron ay may mas mataas na tiyansa ng reinfection, mas mapanganib kumpara sa iba pang variants katulad ng Alpha, Beta, Gamma at Delta.
Ayon pa sa pahayag ng WHO Technical Advisory Group, ang kaso ng nasabing variant ay mabilis ang pagtaas sa halos lahat ng probinsiya ng South Africa.
Hinihikayat ng WHO ang mga bansa na mas paigtingin ang pagbabantay at genomic sequencing at iulat ang lahat ng kaso.
Napaulat na ang unang kaso ng impeksiyon na unang tinawag na B.1.1.529, ay nakita sa South Africa noong Nobyembre 9.
- Latest