Pulis na may koneksiyon sa mga kandidato, ililipat ng puwesto
MANILA, Philippines — Tahasang sinabi ni PNP Chief Police General Dionardo Carlos na ipalilipat niya ang mga pulis na may koneksiyon sa mga kandidato sa 2022 elections.
Ayon kay Carlos, ang kanilang desisyon ay upang maiwasang magamit bilang personal bodyguards ng mga pulitiko.
Tututukan aniya nila ang mga pulis na hindi awtorisadong maging bodyguards ng mga local at national candidate kasabay ng kanilang kampanya laban sa pagkalat ng illegal firearms.
Ililipat ang mga pulis upang hindi maka impluwensiya sa lugar ng mga pulitiko.
Tiniyak ni Carlos sa publiko na hindi kukunsintihin ng PNP ang pagkakasangkot ng mga pulis sa mga private armed sa panahon ng halalan.
Sa ilalim ng Comelec Resolution No. 10728, kailangan munang kumuha ng Comelec approval sa pamamagitan ng Committee on the Ban on Firearms and Security Concerns ang sinumang sibilyan o kandidato upang payagang magkaroon ng bodyguards.
- Latest