Lambda variant bagong banta sa Pinas
MANILA, Philippines — Isa na namang baong variant ng COVID-19 na Lambda na inihahalintulad sa Delta ang magiging bagong banta sa Pilipinas na kaila-ngang makapagsagawa ng mga pamamaraan na huwag makapasok sa bansa.
Ayon kay infectious disease expert Dr. Rontgene Solante, na bagama’t hindi pa natutukoy sa Pilipinas, kumakalat na ang Lambda variant na unang natukoy sa Peru at sa iba’t ibang bansa.
Sa ngayon ay nananatili pa rin itong isang ‘variant of interest’ ngunit may potensyal na maging ‘variant of concern’ tulad ng Delta, Alpha, Beta, at Gamma.
“May potential siya na maging variant of concern dahil ‘yung mga mutations niya nakikita doon sa spike protein, medyo magkahawig din sa variant of concern,” paliwanag ni Solante.
Nauna rito, lumitaw sa mga laboratory ex-periments na ang mutations ng Lambda ay maaari ring labanan ang antibodies na pinoprodyus ng mga bakuna.
Ngunit hindi naman magiging ganap na wa-lang silbi ang COVID-19 vaccines laban sa Lambda. Maaari umanong mabawasan ang bisa nito ngunit hindi naman tuluyang mawawala ang proteksyon.
- Latest
