MANILA, Philippines — Hinikayat ni Cabinet Secretary Karlo Nograles ang mga mamamayan sa Metro Manila na manatili sa bahay habang ipinatutupad ang enhanced community quarantine (ECQ) upang maiwasan ang lalong pagkalat ng Delta variant ng COVID-19.
Ayon kay Nograles, palaging ipapaalala sa mga mamamayan ang pananatili sa bahay sa loob ng dalawang linggong ECQ.
Magsisimulang ilagay sa pinakamahigpit na commumity quarantine ang Metro Manila nga-yong Agosto 6 hanggang Agosto 20, 2021.
Lilimitahan ang pag- labas ng mga tao na papayagan lamang upang bumili ng mga pangunahing panga-ngailangan lalo na ng pagkain o kung nagta-trabaho sa mga negosyo na pinapayagang magbukas.
“Everybody has to do their part na kung puwedeng huwag lumabas ng bahay, huwag lumabas ng bahay. ‘Yun yung dapat default, default mindset nating lahat,” ani Nograles.
“Ang default mindset nating lahat, nandiyan ang Delta so huwag ta-yong lumabas ng bahay kung hindi kailangan,” ani Nograles.
Idinagdag ni Nogra-les na ima-maximize ng gobyerno ang dalawang linggong ECQ sa Metro Manila at papabilisin ang isinasagawang pagbabakuna.
Tiniyak din na hinigpitan ang border control measures para mapigilan ang pagkalat ng virus sa iba pang lugar.