New COVID-19 cases sumirit sa 7,186 sa bansa, pinakamataas sa 44 araw
MANILA, Philippines — Nakapagtala ang Department of Health (DOH) ng 7,186 bagong infection ng coronavirus disease (COVID-19), Martes, kung kaya't nasa 1.56 milyon na sumatutal ang nahahawaan nito sa bansa.
Batay sa mga bagong nakalap na datos ng Kagawaran ng Kalusugan, narito ang bagong mga pasok na datos para araw na ito:
- Lahat ng kaso: 1,562,420
- Nagpapagaling pa: 56,477, o 3.6% ng total infections
- Kagagaling lang: 5,672, dahilan para maging 1,478,625 na lahat ng gumagaling
- Kamamatay lang: 72, na siyang nag-aakyat sa total local death toll sa 27,318
'Metro Manila surge'
-
Ngayong araw ang pinakamataas na bilang ng bagong hawa ng COVID-19 (7,186) sa halos isang buwan at kalahati. Huling beses na mas marami ang fresh cases diyan noong ika-13 ng Hunyo.
-
Nananawagan naman ngayon ang OCTA Research Group ng "circuit-breaking" lockdowns lalo na't nagsisimula na raw ang surge sa COVID-19 infections sa Metro Manila. Aniya, maaaring may kinalaman dito ang mas nakahahawang Delta variant.
-
Dumating naman sa Pilipinas ang nasa 375,570 doses ng Pfizer COVID-19 vaccines sa Pilipinas kagabi, ayon sa National Task Force Against COVID-19. Tig-51,480 shots ng bakuna ang ipinadala sa Cebu City at Davao City ngayong araw habang inilaan naman sa Metro Manila ang nalalabi.
-
Umabot na sa 194.08 milyon ang tinatamaan ng COVID-19 sa buong daigdig, ayon sa huling datos ng World Health Organization. Sa bilang na 'yan, patay na ang 4.16 milyong katao.
— James Relativo
- Latest
