Hunyo 24 special non-working holiday sa Maynila
MANILA, Philippines — Idineklara ni Pangulong Rodrigo Duterte ang Hunyo 24 bilang non-working holiday sa Lungsod ng Maynila.
Sa Proclamation No.1167 na nilagdaan para sa Pangulo ni Executive Secretary Salvador Medialdea, nakasaad na magdiriwang ang Maynila ng ika-145 Founding Anniversary sa Hunyo 24.
Nakasaad din sa proklamasyon na marapat lamang na magkaroon nang pagkakataon ang mga mamamayan ng Maynila na ipagdiwang ang okasyon.
Pero pinaalalahanan din ang mga taga-Maynila na lalahok sa mga seremonyas na sundin ang mga itinatakda ng community quarantine, social distancing at mga public health measures.
Nilagdaan ang kautusan kahapon, tatlong araw bago ang selebrasyon.
- Latest