Huling SONA ni Duterte, fully vaccinated ang papayagang dumalo
MANILA, Philippines — Upang matiyak ang kaligtasan ng bawat isa, pinaplano ng Mababang Kapulungan ng Kongreso na pawang mga fully vaccinated lamang ang papayagang makadalo sa huling State of the Nation Address (SONA) ni Pangulong Rodrigo Duterte sa susunod na buwan.
Sa Hulyo 26 itinakda ang huling SONA ng Pangulo sa Batasan Complex, Quezon City.
Ayon kay House Deputy Majority Leader at 1st District Leyte Rep. Martin Romualdez, dahil may pandemya pa kahalintulad rin noong nakalipas na taon na ‘blended’ na kumbinasyon ng pisikal na pagdalo habang ang iba naman ay magpapartisipa via Zoom.
Sinabi ni Romualdez na sa pamamagitan nito ay tataas ang ‘vaccine hesitancy’ at darami ang magpapaturok laban sa COVID-19 kung saan ay posible ring itaas ang bilang ng mga dadalo sa huling talumpati sa bayan ni Pangulong Duterte.
Samantala pananatilihin pa rin ang pagsusuot ng face mask at social distancing bilang bahagi ng safety and health protocols.
Bukod kay Pangulong Duterte ay dadalo ang mga opisyal ng Malacañang, counterpart sa Senado, security ng punong ehekutibo, ilang miyembro ng gabinete at iba pang mga VIPS gayundin ang mga piling mambabatas.
Papayagan naman ang mga miyembro ng media na pisikal na magkober sa SONA pero dapat ay ‘fully vaccinated’ at kailangan pa rin ng koordinasyon sa House Secretary General.
- Latest