Duterte sa mahilig bumiyahe: ‘Magpa-bakuna muna kayo!’

MANILA, Philippines — Umapela si Pangulong Rodrigo Duterte sa mga kating-kati na ang paa sa pagbiyahe na kumpletuhin muna ang bakuna laban sa COVID-19.

Aminado si Duterte na mahirap kontrolin ang COVID-19 na nagkakaroon aniya ng pagtaas kahit pa sa ibang bansa.

Sinabi rin ni Duterte na inaasahan niya na ang pagsunod ng lahat sa mga regulasyon ng gobyerno.

Ayon pa sa Pangulo, may posibilidad na mamatay sa COVID-19 ang mga ayaw magpabakuna.

Idinagdag ng Pangulo na pabalik-balik na lang ang kaso ng COVID-19 sa Pilipinas na nagkakaroon ng pagtaas pagkatapos ay bumababa pero muling tumataas.