Local execs binalaan sa mass gatherings
MANILA, Philippines — Binalaan ng Department of the Interior and Local Government (DILG) ang mga lokal na opisyal ng pamahalaan na mahaharap sila sa kasong kriminal at administratibo kung mabibigong mapigilan ang pagdaraos ng mass gatherings sa kanilang nasasakupan.
Sinabi ni DILG Secretary Eduardo Año na ang pagkabigo ng mga local officials na magpatupad ng health protocols ay maaaring magresulta sa administrative sanction o criminal charge dahil sa dereliction of duty sa ilalim ng Revised Penal Code.
Sa guidelines ng Inter-Agency Task Force Against COVID-19 (IATF), hanggang nitong Abril 15, ang anumang uri ng pagtitipon, sa loob o labas man ng tahanan ay mahigpit pa ring ipinagbabawal sa mga lugar na nasa ilalim ng Enhanced Community Quarantine (ECQ), Modified ECQ (MECQ), at General Community Quarantine (GCQ).
Pinapayagan umano ang mga pagtitipon na hanggang 50 percent ng seating o venue capacity para sa mga lugar na nasa Modified GCQ.
Ipinagbabawal ang religious gatherings sa mga lugar na nasa ilalim ng ECQ, pero pinapayagan ito sa MECQ ngunit 10-30 percent ng seating capacity lamang, depende sa local government regulations, habang mula 30 to 50% seating capacity ang pwede sa GCQ at 50% sa MGCQ areas.
Ang necrological services at mga burol para sa namatay nang hindi dahil sa COVID-19 ay pinapayagan ngunit limitado sa mga miyembro ng pamilya sa ECQ at MECQ habang 30 to 50 percent capacity sa GCQ at hanggang 50% capacity sa MGCQ.
Ang movie screenings, concerts, sporting events, entertainment activities, at work conferences ay mahigpit pa ring ipinagbabawal sa ECQ, MECQ, at GCQ ngunit pinapayagan ang 50 percent ng seating capacity sa mga lugar na nasa ilalim na ng MGCQ, kung nakakatalima sa ventilation standards.
- Latest
