12 Pinoy crew ng barkong mula India positibo sa COVID-19; 2 kritikal
MANILA, Philippines — Nagpositibo sa coronavirus disease (COVID-19) ang isang dosenang Pilipinong tripulanteng lulan ng isang barkong nagmula sa India, bansang nakararanas ng isa sa mga pinakamalalalang case surges sa ngayon.
Nangyayari ito sa gitna ng pagkalat ng "mas nakahahawang" B.1.617 COVID-19 variant sa India. Sa naturang bansa rin naitatala ang pinakamatataas na daily COVID-19 increases sa buong mundo.
Ayon sa pahayag ng Maritime Industry Authority (Marina), nakasakay ang 12 sa barkong MV Athens Bridge. Huwebes nang tulugan ng Bureau of Quarantine ang mga nabanggit para makabalik ng Pilipinas at agad na malapatan ng atensyong medical.
"According to the vessel’s shipping agent, MV Athens Bridge departed from India on 22 April 2021 and arrived in Haiphong, Vietnam on 01 May 2021 for the conduct of the crew’s RT-PCR test. It was later on found that out of the 21 Filipino crew members onboard, 12 of them tested positive of COVID-19," ayon sa Marina, Biyernes.
"Early evening of the same day, BOQ doctors boarded the vessel to assess the condition of the crew and recommended the immediate medical evacuation of two (2) crew members in critical condition."
MARINA Press Release 7 May 2021 DOTr Maritime sector in full force in assisting COVID-19 positive Filipino crew members...
Posted by Maritime Industry Authority on Thursday, May 6, 2021
Agad namang inilikas ang dalawang malubhang kaso para tuluyan nang i-admit sa isang dedicated medical facility upang malapatan ng lunas.
Kahit galing India, pinapasok ng Pilipinas dahil sa 'malasakit'
Tiniyak naman ng Department of Health (DOH) kanina na walang mai-introduce na bagong variant ng COVID-19 sa Pilipinas sa pagsagip sa mga Pilipino. Ayon kay Health Secretary Francisco Duque III, kahit may travel history sa India ang barko ay hindi raw panahon na iwan sa ere ang mga nangangailangang kababayan.
Kasama kasi ang India, Nepal, Sri Lanka at Bangladesh sa mga pinapatawan ng travel ban papuntang Pilipinas dahil na rin sa kinatatakutang B.1.617 COVID-19 variant.
"Considering the growing concern of this recent variant first detected in India, we were made aware that the vessel had travel history to the country. But in deciding our action steps, our guiding principle was that those were our hardworking kababayans aboard and we would never leave any Filipino behind," ani Duque.
"We recognize the risk that this act of compassion brings, but we assure Filipinos that we complied with the protocols in handling COVID-19 patients and have coordinated with other government agencies to deliver urgent assistance to our kababayans. We also thank everyone who assisted the crew of MV Athens Bridge."
Sinisiguro naman ng DOH na maipatutupad ang mahigpit na health protocols sa pag-aasikaso ng mga nasabing pasyente.
Samantala, inilipat naman ang 10 Pinoy na may "mild cases" lang sa isang BOQ facility kasama ang kabuuan ng crew.
- Latest
