Pasaway sa face mask ikulong! - Duterte
MANILA, Philippines — “Arestuhin at ikulong ang mga lumalabag sa pagsusuot ng face mask.”
Ito ang mahigpit na utos ni Pangulong Rodrigo Duterte sa PNP bunsod ng tila patuloy na pagbalewala ng mga tao sa tamang pagsusuot ng face mask lalo na kung nasa labas ng bahay.
Sa kanyang national address nitong Miyerkules ng gabi, sinabi ni Duterte na may mga nagsusuot ng face mask upang sumunod lamang pero nakalabas naman ang ilong.
“Now itong mask, iyong iba ano lang for compliance lang. Naglalagay ng mask pero nakalabas ‘yong ilong,” ani Duterte.
Sabi ng Pangulo, na may siyam na oras para ikulong at imbestigahan ang mga hindi sumusunod kung bakit nila ginagawa ang hindi pagsusuot ng tamang face mask.
“My orders to the police are those who are not wearing their masks properly in order to protect the public --- kasi kung hindi, hindi mo madepensahan ‘yong publiko --- to arrest them and detain them, investigate them why they are doing it,” ani Duterte.
Sinabi rin ni Duterte na kung hindi ito gagawin ay walang mangyayari sa laban sa COVID-19. Hindi na anya kaya ng gobyerno ang pagdami ng kaso ng COVID-19 sa bansa. Hindi naman aniya ito para sa gobyerno at sa halip ay para mismo sa mga tao para hindi makahawa.
“Many have died. Many are in hospitals. Experts said the number of infections has gone down. But the hospitals are still full. So, if you really have brains, if you are a thinking human person… That’s not for me. That’s not for us in government. It’s in the interest of the country that you don’t infect others and that you don’t get infected,” wika ng Pangulo.
Dagdag pa ng Pangulo na nauubos ang pera ng gobyerno samantalang may mga taong labas nang labas at hindi tama ang pagsusuot ng facemask.
“Eh pagka ganoon, tapos ako dito hirap na hirap, papawala na ‘yong pera natin sa bangko, tapos sige pa rin kayo galaw nang galaw diyan na hindi tama, eh mapupunta talaga kayo sa istasyon. Anybody in public wearing a mask not in the regular --- regulation mask na ilong pati bunganga ang sirahan mo diyan,” ani Duterte.
- Latest