Mga gumaling sa COVID-19, puwedeng magpabakuna – DOH

MANILA, Philippines — Pinayagan ng Department of Health (DOH) na mabakunahan agad ang mga indibidwal na nakarekober na sa COVID-19.

“Individuals who recently recovered from COVID-19 may be vaccinated immediately after recovery or completion of treatment for their first or second dose,” ayon sa bagong guidelines ng DOH.

Kailangan namang makipag-ugnayan agad ang mga indibidwal na hindi nakapagpaturok ng ikalawang dose dahil sa medical reason upang agad na magawan sila ng iskedyul.

Hindi papayagan na mabakunahan ang mga may blood pressure (BP) na 180/120 o mas mataas at mga senyales na may pagkasira ng organ sa screening process.

Hindi na kakailanganin ang medical clearance, maliban na lamang sa mga may problema sa immune system tulad ng mga may “autoimmune disease, HIV, cancer na sumasailalim sa immunosuppressive therapy, transplant patients, mga sumasailalim sa steroid treatment at mga ‘bedridden’.

Kabilang sa mga ‘comorbidities’ sa ilalim ng A3 Priority Group ay mga may sakit sa baga tulad ng Tuberculosis, Pulmonary disease, Chronic bronchitis, Pulmonary hypertension at iba pa; may sakit sa puso; sakit sa kidney; mga na-stroke; kanser; Diabetes; Obesity; Neurologic disease tulad ng dementia, alzheimer’s, Epilepsy, at iba pa; sakit sa atay; mga sakit sa immunodificiency at ibang sakit tulad ng sickle cell disease at Down syndrome.