17 colleges, universities ipapagamit na vaccination sites – CHED
MANILA, Philippines — May 17 kolehiyo at mga unibersidad na ang pumayag na ipagamit ang kanilang mga pasilidad bilang vaccination sites upang makatulong sa COVID-19 vaccination program na isinasagawa ng pamahalaan.
Hindi naman na inisa- isa ni Commission on Higher Education (CHED) chairperson Prospero de Vera III ang mga naturang paaralan ngunit sinabing karamihan sa mga ito ay matatagpuan sa Metro Manila.
Aniya, ang arrangement dito ay depende sa magiging negosasyon sa pagitan ng mga kolehiyo at unibersidad at ng local government unit (LGU) sa kanilang lugar.
Sa ngayon aniya ay target nilang sa buwang ito ay maisapinal na ang usapan dahil marami pang mga bakuna laban sa COVID-19 na inaasahang darating sa bansa sa Mayo.
Bukod aniya dito, mayroon 20 pang kolehiyo at unibersidad ang nagpahayag na rin ng kahandaan na ipagamit ang kanilang mga pasilidad bilang vaccination sites.
- Latest
