Hotels pwedeng i-takeover ng gobyerno – Duterte
MANILA, Philippines — Maaaring gamitin ng gobyerno ang kapangyarihan na i-takeover ang isang pribadong pasilidad katulad ng mga hotel upang gamiting qua-rantine facilities, ayon kay Pangulong Rodrigo Duterte.
Sinabi ni Duterte na puwedeng ipagamit ang mga hotel at motels sa gitna nang kakulangan sa pasilidad dahil sa patuloy na pagtaas ng bilang ng may COVID-19.
“Government can expropriate ‘yong mga hotels, motels, whatever kung kulang ang — ang mga halfway houses natin ‘yong naghihintay. So we kind of have the power. The government has the power to just expropriate. Puntahan na lang at sabihin gagamitin,” ani Duterte.
Nauna rito, iniulat ni Health Sec. Francisco Duque na inatasan na nila ang mga ospital na magreserba na ng hotel rooms para sa mga doktor at nurse na nagpositibo sa COVID-19.
Ipinaliwanag ni Duterte na bahagi ng kanyang deklarasyon ng national emergency ang isyu tungkol sa kalusugan kaya maaaring gamitin ang mga hotel at motels sa pagtugon sa problema.
Pero idinagdag din ng Pangulo na huwag nang isama ang mga mamaha-ling hotels.
- Latest