Duterte at Putin nag-usap sa telepono
MANILA, Philippines — Nagkaroon ng telesummit sa pagitan nina Pangulong Rodrigo Duterte at Russian President Vladimir Vladimirovich Putin.
Sa statement na ini-labas ng Malacañang, muling nagkasundo ang dalawang lider na pag-ibayuhin pa ang kooperasyon sa pagitan ng Pilipinas at Russia sa gitna nang paggunita ng ika-45 anibersaryo ng diplomatikong ugnayan ngayong taon.
Kapwa rin nangako ang dalawang lider na tutulong sa pagsugpo ng COVID-19.
Pinasalamatan ni Duterte si Putin dahil sa pangako na makikipagtulungan sa iba’t ibang larangan kabilang ang pagsugpo sa COVID-19 pandemic.
Umorder na ang Pilipinas ng nasa 20 milyong doses ng Sputnik V ng Russia.
Kapwa naniniwala ang dalawang lider sa kahalagahan ng global production at supplies ng bakuna.
Muling inulit ni Duterte ang kanyang imbitasyon kay Putin na bumisita sa Pilipinas.
- Latest