Pandemya parang 1-taong super typhoon Yolanda

MANILA, Philippines — Ikinumpara ng isang doktor ang COVID pandemic sa isang taong paghagupit ng super typhoon Yolanda.

Ayon kay Aileen Espina, miyembro ng Health­care Professionals Alliance Against COVID-19 at national director ng Philippine Academy of Family Physicians sa panayam ng ABSCBN kahapon, hindi pa handa ang healthcare system na pa­luwagin ang quarantine level sa National Capital Region (NCR) Plus.

Dapat aniyang igaya  rin sa naging pagtugon sa super typhoon ang ak- syon laban sa COVID-19.

“It’s not a question of kakayanin, kahit naman ‘yung nakaraang 2 linggo, we were nearing collapse of our healthcare system. Para na itong naging Yolanda sa tindi. This is beyond the capacity of healthcare system to respond to the current situation,” ani Espina.

“At least ‘yung Yolanda noon sa’min sa Tacloban after 5 hours tapos na siya, ito 1 taon na paulit-ulit na...bababa ‘yung kaso, magre-relax tayo hindi natin ina­ayos ‘yung root cause ng pagdami ng kaso.”

“The country’s contact tracing applications are like an “archipelago,” aniya pa.

Panawagan ng Healthcare Professionals Alliance Against COVID-19 na magkaroon ang gobyerno ng pangmatagalang solus-yon tulad ng coordinated digital contact tracing.

Kung mas maagang matutukoy ang mga kaso at ma-isolate kaagad at naidentify ang close contacts at ma-quarantine rin kaagad ay hindi na magkakaroon pa ng mas maraming hawaan.

Gayundin ang naging pahayag ni PGH spokesperson Jonas del Rosario na hindi na kaya ng kapasidad ng healthcare system ng bansa ang lalo pang lumalalang kaso ng COVID-19 kung luluwagan ang quarantine level.

Gayunman, kahapon ay ibinaba na sa modified enhanced community quarantine (MECQ) mula sa ECQ ang NCR Plus.