ACT-CIS, naka-monitor sa bigayan ng ayuda
MANILA, Philippines — Mahigpit na binabantayan ngayon ng ACT-CIS Partylist ang distribusyon ng ayuda ng mga local government units (LGUs) para sa mga apektado ng NCR Plus lockdown.
Ayon kay ACT-CIS Cong. Eric Yap, “marami ang nagte-text at tumatawag sa aming opisina hinggil sa kulang daw ang ibinibigay sa kanila na ayuda”.
“Sabi ng pangulo, P1,000 bawat tao o P4,000 sa isang pamilya. Pero bakit may mga lugar na P1k lang ang inaabot sa isang pa-milya?” wika ni Yap.
Ani Cong. Yap, “isang halimbawa ‘yung ale na nagsumbong sa “Tutok Erwin Tulfo” radio program from Bagong Barrio, Ca-loocan.
P1,000 lang ang ibinigay sa kanya kahit pa dalawa ang kanyang anak na alam naman ng barangay daw.”
Ayon sa mambabatas, nirerekord nila ang mga sumbong at tatawagan ang mga LGUs kung bakit kulang ang ibinigay na cash ayuda sa kanilang mga constituents.
“Iniipon namin ang mga reklamo ngayon at kapag natapos itong ECQ (enhanced community qua-rantine) ay maaring magpapatawag kami ng imbestigasyon. Kapag napatunayan na binubulsa nila ‘yung pera, kakasuhan namin sila sa Ombudsman.”
- Latest