Malacañang tikom sa pagtaboy ng barko ng China sa lantsa ng Pinas

MANILA, Philippines — Tikom ang Malacañang sa napaulat na pagtaboy ng isang armadong barko ng China sa isang civilian vessel kung saan nakasakay ang crew ng ABS-CBN sa West Philippine Sea.

Ipinauubaya ni Presidential spokesperson Harry Roque sa Department of Foreign Affairs at sa Department of National Defense ang nasabing isyu.

Iniulat noong Huwebes ng ABS-CBN na sakay ng isang civilian vessel ang isa nilang news team sa West Philippine Sea nang sundan sila ng isang armadong barko ng China.

Nagdesisyon umanong bumalik sa Palawan ang news team pero hinabol pa rin sila ng Chinese Coast Guard.