Kapangyarihan ng kababaihan kinilala ni Duterte
MANILA, Philippines — Sa gitna nang paggunita kahapon ng International Women’s Day, nanawagan si Pangulong Rodrigo Duterte sa publiko na itaas at palakasin ang kapangyarihan ng mga kababaihan.
Sa mensahe ng Pangulo, sinabi nito na dapat ilagay ang mga kababaihan sa kanilang “rightful place” sa lipunan.
Aminado rin ang Pangulo na mayroong “backward mindset” na nagiging sanhi ng gender oppression at inequality.
“Let us elevate women to their rightful place in society by empowering every Filipina to break not only the barriers that have long hindered them from reaching their full potential, but also the backward mindset that fueled a culture of gender oppression and inequality,” ani Duterte.
Hinikayat ni Duterte ang mga mamamayan na makiisa sa selebrasyon ng papel ng mga kababaihan sa pag-unlad ng bansa sa pamamagitan nang pagsuporta sa buwan ng mga kababaihan.
Idinagdag ni Duterte na napakarami pang dapat gawin upang tuluyang mapalaya ang mga kababaihan mula sa pagkaalipin at hindi pantay na pagtrato.
Gumagawa anya ng aksiyon ang gobyerno upang isulong ang karapatan ng mga kababaihan at irespeto ang kanilang kontribusyon sa lipunan.
- Latest