1,094 medical frontliners sa PNP naturukan na ng Sinovac
MANILA, Philippines — Umaabot na sa 1,094 medical frontliners sa Philippine National Police ang naturukan na ng Sinovac vaccine.
Ayon kay PNP Deputy Chief for Administration Lt. Gen. Guillermo Eleazar, nasa 125 personnel ang nabakunahan noong Marso 1 at 180 nitong Marso 2. Nasa 253 pa ang naturukan nitong Marso 3; 327 nitong Marso 4 at 209 noong Marso 5.
Nasa 1,268 naman ang nagpatala para magpabakuna habang sa mga naturukan ng bakuna ay nasa 9 ang dumanas ng adverse reaction na hindi naman grabe at patuloy na minomonitor ang kondisyon.
Kaugnay nito, nakapagtala ang PNP ng 11,613 kaso ng COVID-19 kung saan 545 dito ang mga aktibong kaso, 11,037 ang nakarekober at 31 ang nasawi.
- Latest