Duterte ipinatawag ang hepe ng PNP at PDEA
MANILA, Philippines — Personal na kinausap ni Pangulong Rodrigo Duterte sa Malacañang sina Philippine National Police (PNP) Chief General Debold Sinas at Philippine Drug Enforcement Agency (PDEA) chief Wilkins Villanueva kamakalawa ng gabi tungkol sa insidente ng shootout sa Quezon City kung saan nasangkot ang kanilang mga ahensiya.
Ayon kay presidential spokesperson Harry Roque, ipinaliwanag ng Pangulo ang dahilan kung bakit ang National Bureau of Investigation (NBI) na ang mangunguna sa imbestigasyon.
Nauna rito ipinatigil ng Pangulo ang imbestigasyon na gagawin sana ng PNP at PDEA at ipinaubaya sa NBI ang nangyaring shootout.
Kinumpirma rin ni Roque na hiniling ni Duterte sa Kongreso na i-delay ang gagawing imbestigasyon sa nangyaring engkuwentro ng mga tauhan ng PNP at PDEA.
Nais ni Duterte na magkaroon ng patas na imbestigasyon at inatasan ang PNP at PDEA na makipagtulungan sa NBI.
- Latest
