AstraZeneca mabibigyan na ng EUA

Bukod sa AstraZeneca, sinabi ni Domingo ang Pilipinas ay nakapag-order na ng 30M doses mula sa Serum Institute of India at 25M doses mula sa Sinovac ng China.
AFP/Paul Ellis

MANILA, Philippines — Isasapinal na ng Food and Drug Administration (FDA) ang aplikasyon ng AstraZenecca sa emergency use authorization (EUA) para sa paggamit ng COVID-19 vaccines sa Pilipinas.

Ang nasabing brand na mayorya sa napiling bilhin ng mga lokal na pamahalaan sa Metro Manila ay nabatid na may “very favorable” evaluation mula sa mga eksperto kaya’t inaasa-hang mapapabilis na ang pagbibigay ng EUA ngayong linggo.

Ayon kay FDA Director General Eric Domingo, nasa 17 milyon doses ng AstraZeneca COVID-19 vaccines mula US sa tulong ng pribadong sektor at local government units ang darating sa bansa ngayong Hunyo.

Bukod sa AstraZeneca, sinabi ni Domingo ang Pilipinas ay nakapag-order na ng 30M doses mula sa Serum Institute of India at 25M doses mula sa Sinovac ng China.

Kabilang naman sa nasa proseso na ng eva­lua­tion ng mga eksperto ang Sinovac at Sputnik V ng Russia.

Show comments