Wala pang local transmission ng UK variant – DOH
MANILA, Philippines — Hindi pa maituturing na may local transmission na ng bagong COVID-19 variant sa bansa kahit may dalawa sa 16 bagong kumpirmadong tinamaan ng virus ang walang travel history.
Sa online press briefing, sinabi ni Research Institute for Tropical Medicine director Dr. Celia Carlos na “premature” pa para sabihin na may local transmission na dahil may mga standards o pamantayang inilatag ang mga eskperto upang matukoy kung mayroong community transmission.
“Considering that investigation is ongoing it may be premature to say whether there’s an ongoing community transmission,” ani Carlos.
Kabilang sa pamantayan ang pagtukoy sa malaking bilang ng kaso na hindi maiuugnay sa pamamagitan ng ‘transmission chains’, may malaking bilang ng kaso mula sa iba’t-ibang panig o pinagmulan at ang ‘multiple unrelated clustera’ sa ilang lugar sa bansa.
Sang-ayon naman si Dr. Edsel Salvana, miyembro ng Technical Advisory Group ng DOH, na nagsabing sa kasalukuyan, wala pang ebidensiya na may hawaan o community transmission dahil may isang cluster lang aniya ang masasabing magkaka-ugnay.
- Latest