Clinical trial ng Sinovac aprub ng FDA
MANILA, Philippines — Inaprubahan na ng Food and Drug Administration (FDA) ang aplikasyon para sa clinical trial ng COVID-19 vaccine na gawa ng Sinovac ng China.
Noong nakaraang taon pa nagsimula ang Phase III clinical trials ng Sinovac vaccine sa ibang bansa, tulad ng Brazil at Turkey. Nitong Enero naman nang magsimula ang pag-aaral sa Indonesia.
Una nang inaprubahan ng FDA ang clinical trial application ng Janssen Pharmaceutical ng Estados Unidos at Clover Biopharmaceutical ng China.
Wala pang inilalabas na interim result ang kompanya para sa mga naunang clinical trial, kaya hindi pa lumalakad ang proseso ng kanilang aplikasyon para sa emergency use authorization (EUA) sa Pilipinas.
Sa ngayon, nag-umpisa nang lumakad ang EUA application ng Gamaleya Institute ng Russia matapos makapag-submit ng Phase III results sa ahensya.
Inaabangan naman ang paglalabas ng desisyon ng FDA sa parehong aplikasyon ng AstraZeneca.
Samantala, wala namang ipinapasa na kahit anong aplikasyon ang Sinopharm na mula rin sa China.
Related video:
- Latest