Pinas, bird flu-free na

MANILA, Philippines — Ligtas na sa Bird’s Flu o Avian Influenza Virus ang  poultry industry sa ating bansa.

Ito ang anunsyong inilabas ng World Organization for Animal Health, pagpasok ng taong 2021.

Ayon sa Department of Agriculture, sa loob lamang ng isang taon ay naresolba na ang umusbong na bird’s flu outbreak sa isang backyard poultry farm sa Pampanga at Rizal.

Mga buwan ng Hulyo at Agosto noong nakalipas na taon nang unang ma-detect ng Bureau of Animal Industry ang virus na siyang dahilan para magsagawa ang ahensya ng agarang sanitary control at containment operations.

Ayon kay Agriculture Secretary William Dar, welcome development ito sa poultry industry sa bansa lalo pa’t ang manok at iba pang poultry products ay malaking source ng protina gaya rin ng karneng baboy at baka na mas mahal nang di hamak ang presyo sa mga pamilihan.