^
Bagong hawa ng COVID-19 sa bansa 'highest sa nakalipas na 71 araw'
Nagpapa-swab test ang nakatatandang babaeng ito sa isang mobile testing site para malaman kung siya'y may COVID-19 o wala
The STAR/Walter Bollozos, File

Bagong hawa ng COVID-19 sa bansa 'highest sa nakalipas na 71 araw'

(Philstar.com) - January 18, 2021 - 4:00pm

MANILA, Philippines — Sumirit sa 2,163 ang bagong kumpirmadong kaso ng coronavirus disease (COVID-19) ngayong Lunes, dahilan para umarangkada ito patungong 502,736.

Nasa 26,839 pa rin sa mga nahawaan ang "aktibong kaso," o yaong mga nagpapagaling pa sa ngayon.

Kakaonti naman ang bagong COVID-related fatalities sa bilang na 14. Sumatutal, 9,909 na ang kabuuang bilang ng mga namamatay sa sakit, bagay na malayong-malayo sa 465,988 na gumaling dito sa ngayon.

Lugar na may pinakamararaming fresh cases

  • Davao City, 134 (General Community Quarantine)
  • Cagayan, 100 (Modified General Community Quarantine)
  • Quezon City, 99 (GCQ)
  • Leyte, 93 (MGCQ)
  • Cavite, 75 (MGCQ)

Anong bago ngayong araw?

Ngayong 2,163 ang nai-report na bagong nahawaan ng COVID-19, ito na ang pinakamataas na single-day increase simula pa noong ika-8 ng Nobyembre, 2020 kung saan 2,442 ang isinipa ng infections.

Nangyari ito isang araw matapos lumampas sa kalahating milyon ang tinatamaan ng nakamamatay na karamdaman sa Pilipinas nitong Linggo.

Basahin: Coronavirus cases in the Philippines breach 500,000 

Sa kabila rin ng patuloy na pagkatikom ng Palasyo at Inter-Agency Task Force on Emerging Infectious Diseases (IATF-EID) sa tunay na presyo ng mga iproprocure na COVID-19 vaccines ng gobyerno, tiniyak naman ng Palasyo na hindi hihigit sa P700 ang isang dose ng bakuna laban sa COVID-19.

Aabot sa 500,000 bakuna mula sa Sinovac ang sinasabing ido-donate ng Tsina sa gobyerno ng Pilipinas.

May kinalaman: Sinovac 'provided very good pricing to the Philippines,' exec says

Umaabot na sa halos 93.2 milyon ang tinatamaan ng COVID-19 sa buong mundo, ayon sa huling ulat ng World Health Organization (WHO). Sa bilang na 'yan, 2.01 milyon na ang pumapanaw. — James Relativo at may mga ulat mula kina Gaea Katreena Cabico at Xave Gregorio

DEPARTMENT OF HEALTH NOVEL CORONAVIRUS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with