Bakuna hindi mandatory
MANILA, Philippines — Hindi pipilitin ng gob-yerno ang mga mamamayan na ayaw magpabakuna laban sa COVID-19 kapag dumating na ito sa bansa.
Ayon kay Presidential Spokesperson Harry Roque, sinabi ng Department of Health (DOH) na kaila-ngang mabakunahan ang 50 porsiyento ng populasyon upang magkaroon ng herd immunity. Kaya hindi na muna pipilitin ang mga ayaw magpabakuna.
Ipinunto pa ni Roque na sang-ayon naman sa pinakahuling survey ng Social Weather Station (SWS), 66% ng mga mamamayan ay payag mabigyan ng bakuna.
Muling tiniyak ni Roque na gagastusan ng gobyerno ang pagbili ng bakuna kung saan uunahing mabigyan ang mga mahihirap, frontliners, mga sundalo at mga pulis.
“Kung mayroon hong ibang mga tao na nakapagbakuna na, hindi po iyan galing sa gobyerno. Ang assu-rance ng Presidente, basta binili po ng ating gobyerno, uunahin ang pinakamahihirap,” ani Roque.
- Latest